2023-03-05 - 英國遠足交遊

2023-03-05 天陰 今日天陰陰, 但都想出去行下. 係呢邊人生路不熟, 唯有搵google. 上google map 搵下屋企附近有乜山行下, 又比我搵到個叫 Kurst Land既地方喎. https://goo.gl/maps/PF9TZZdsC6GWXLgC8, 就帶埋D 細路出去啦. 一早叫左細路起身, 偏偏佢地唔肯郁. 攪到兩點幾先出門. 不過呢邊有車渣, 過去都係半個鐘度, 都有足夠時間衝出去. 半個鐘唔夠, 就到左目標地點: https://goo.gl/maps/F18ywhwu15CpYsAQ6.
點知一睇... 點解欄住左既? 咁係邊度搵路上去呢? 咁諗左陣, 搵下地圖, 不如再向前衝睇下另一邊睇落可渣車上左山既, 有無得行過去啦, 咁我地就繼續向前街了. 又渣左十分鐘度, 就去到目的地了. 原來果度有間環境都唔錯既cafe. https://goo.gl/maps/epsLgADvEMn8nFEn8, 本身都唔知可以係邊度行上山既, 既然搵唔到路, 就坐低飲返杯野啦.
佢洗手間個鎖點解可以成個拆出黎既? 買野食時個男仔又幾nice咁, 緊係順便問下路, 原來佢話cricket club後面有條路上山既, 咁食完野就行過去睇下了.
行得過去, 離遠望又係有道欄係度既... 咁岩有民居又有人係門口... 膽粗粗去問下. 原來係行得既! 道欄的確係分隔黎, 不過應該係劃分返邊度係行山既區域, 行埋去度欄係就咁打得開架!
其實果度係一個細細個既小山丘, 唔夠廿分鐘就行到上去了.
上到去望返落山, 個景色都唔錯架, 係香港好少可以望到咁遠. 望到盡頭直頭望到利物浦果邊啲風車, 以咁近黎講都係一個唔錯既郊遊地點.

留言

張貼留言

這個網誌中的熱門文章

移民英國後的日常洗費

圖片
小弟住鄉下地方, 係曼城附近. 計下日常生活條數, 估計下收入最少要幾多先夠生活先. 兩大人三小孩, 但三個都大, 其實要當大人咁計. 2023年3月份生活費約 租金每月 950 電150 煤氣50 水55 council tax 120 車保 150 油 150 食物 1000 電視牌 13.25 雜費 200 原來咁就2838.25了. 電煤水應該比一般5人家庭用得少既, 班友久唔久就唔沖涼. 然後暖氣又開得少. 所以呢個數應該係偏低既. 咁係咁既時勢慳到就慳多D 又無話唔好既. 食物就預埋出街食, 所以都預鬆左. 如果真係要勁慳唔出街食, 應該可以壓到600. 租呢如果搬遠D 可能仲有得平D. 咁其實2838.25一個月應該就係預鬆左的了. 如果食物慳D, 其實24XX 度都夠洗, 不過應該要去到極限, 其實真係可以再平D, 水電煤食物唔在講, 車保換左牌後都唔應該咁費, 另外雜費既野... 洗少D 吧. 總括黎講, 一個人工作, 五人家庭可能差少少, 但如果兩個人都出去工作, 其實都好夠用. 咁呢邊人工又點呢? 先上網用tax calculator計下年收入除稅後既月入. 如果不幸地只係搵20000 一年, 即係稅前月入係1666.67, 咁除稅後就1468.69. 咁兩個人出去工作就夠洗了. 咁要搵除稅前1666.67又難唔難呢? UK 最低工資上網搵就話係9.5, 咁一日做8 個鐘就76, 一星期五日就380, 4星期就1520. 咁其實如果不幸地只做最低工資, 一星期只返五日8 個鐘, 咁其實就仲差少少先夠洗既. 特別係打散工就差D. 當然炒散計既話, 有時搵幾個星期勤力D, 返夠六日, 同埋如果返shift果D 人工可能好少少, 咁其實應該就會有突.  而月薪計果D 普遍接近20000 一年既, 最普通NHS既 Administrator就19570 一年 (有得攞返medical surcharge ar) 或者再普通D 既support worker就10一小時. 另外如果係一D 回收行業果D 之前見過就12一小時, 返六日就人工再好D咁. 咁睇落如果小家庭其實一個人出黎全職, 另一個人part-time其實就應該夠生活既.
閱讀完整內容

驚異的意粉

在網絡上看到有人說意粉用浸的方式去處理, 口感會有令人驚訝的效果. 咁岩有時間就試下吧, 橫掂呢度意粉唔貴, 唔得既話先再諗點處理XD. 原文話係用凍水浸意粉兩小時再煮. 咁我做左既野就係: 用水喉水浸意粉(250g)兩小時. 倒走水, 備用. 開左罐吞拿魚, 整碎佢, 炒香. 開左樽(大樽的但唔記得份量)意粉汁, 白汁黎既, 成樽倒落去. 個汁滾左後就放意粉, 中火炒返熱. 個汁好快會收好, 如果太乾就加熱水, 一收好就熄火. 個口感真係好正, al dente, 然後個汁就因為意粉既表面比水浸軟左, 煮時釋出澱粉, 就非常掛麵(其實有D over). 基本上係原本要100%技巧先煮到既意粉, 變左做10%技巧, 都煮到好好食既質感. 味道就隨自己揀既意粉汁決定了. 想快既話, 超市買到既意粉汁個味都唔會太差, 而要求高既就可以自己煮個好味既汁再炒意粉. 如果真係怕個汁太乾, 我諗可以浸完後放落個汁度煮前再用凍水沖一沖走表面既澱粉, 咁應該會無乾得咁快. 不過總括而言呢個浸意粉既方法真係令煮意粉變得勁簡單啊. 有時間真係可以試下.
閱讀完整內容

2023-03-10, Friday, Cloudy

 2023-03-10, Friday, Cloudy 琴日知道有工作危機之後, Raymond同阿June即時約左我今日食晚飯, 諗住開解下我傾下計咁啦. 佢地兩個都好好人, 對我呢個同事既工作危機都咁上心. 作為朋友+同事真係好好. 不過同樣地, 我覺得好似麻煩左佢地咁. 我地去左Trafford centre 果間Pesto食飯, 原來果度有個餐係10.99/12.99 一位, 然後每人可以揀3樣野食咁架, 再加飲品, 每人都係廿頭, 都係一個唔錯既選擇. 起碼有9 樣野大家可以試. 有好食有唔好食啦, 但大多都唔錯, 然後我地仲要食唔晒. 我覺得可以搵日同小朋友再去試下. 席間傾左好多野. 去到講我既工作時, 阿June都比左好多好好既意見. 其實自己做得唔好既地方, 自己都會知的. 所謂唔夠主動呀果. 但我本身入黎做時真係唔知要負責呢D, 同埋唔太識管理. 然後無人帶, 加上project出事, 咁就出事了... 係我角度睇, 啲野本身係team lead做, 而我上司亦無指示我要點做. 出事就講句:[ 呢D 你要睇架喎.]咁, 其實對我黎講唔太公平. 雖然有樣野阿June講得岩, 老細比呢個價錢你, 唔預你做低層資既事, 而係做管理既事, 而管理係要主動既. (所謂你唔管人, 人就管你) 但真係用錢去講既話, 其實老闆呢種唔講清楚就話你咁既人工要做呢D 既心態, 亦唔係一個合理既管理方式. 講錢既話, 公司個個人工都唔同, 而且對老闆黎講一定係人工越低越好. 咁係咪低過一個點, 就唔洗做指派佢做既事呢? 定責不清, 無統一既系統管理, 而我本身都只叫technical consultant, 但突然就變左做咁, 我又點知我有無咁既權/責去處理呢? 不過點都好啦, 聽完分析, 都覺甚有道理. 而家都去到最後階段, 咪唯有試下新方式工作, 睇下效果係點. 咁起碼比人炒前都叫有機會試過下管一大班人係乜一回事. 最後走時我架車得返兩格油, 阿June佢地兩公婆好好咁陪我去入埋油先走. 返到去都成十點半了.  朋友恩情在心中.
閱讀完整內容